ᐯᕆᑦᓯᕕᓐᓂ ᑲᒪᔨᒻᒪᕇᑦ - ᐊᕐᕌᒍᑕᒫᕐᓯᐅᑎᒃ ᐃᓕᓐᓂᐊᑎᑕᐅᓂᖓ
ᐊᕐᕌᒍᑕᒫᕐᓯᐅᑎᒃ ᐃᓕᓐᓂᐊᑎᑦᓯᓂᖅ ᐯᕆᑦᓯᕕᓐᓂ ᑲᒪᔨᒻᒪᕆᓐᓂᒃ ᐊᑑᑎᓚᐅᔫᖅ ᕕᕗᐊᔨ 27-ᒥᑦ ᒫᑦᓯ 3, 2017-ᒧᑦ, ᑰᑦᔪᐊᒥ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐊᓪᓚᕕᒻᒪᕆᖓᓂ. ᐃᓘᓐᓇᑎᒃ 19-ᓂ ᐯᕆᑦᓯᕕᓐᓂ ᑲᒪᔨᒻᒪᕇᑦ 14-ᓂᑦ ᓄᓇᓕᓐᓂᑦ ᐱᓯᒪᔪᑦ, ᐃᓚᐅᑎᓪᓗᒍ ᐊᑕᐅᓯᖅ ᑲᒃᑲᓛᑦ ᐊᖓᔪᕐᖄᖏᑦᑕ ᑲᑎᒪᔨᖏᓐᓄᑦ ᐃᓚᐅᔪᖅ, ᐁᓯᒪᓚᐅᔫᑦ. ᐊᑦᔨᒌᖕᖏᑐᑦ ᐱᓇᓱᐊᕋᑦᓴᖏᑦ ᐸᕐᓀᑕᐅᓯᒪᓚᐅᔫᑦ ᑲᑎᒪᓂᐊᕈᓯᖃᕐᑎᓯᒻᒥᑎᓪᓗᒍ ᒥᐊᔨ ᔪᐋᓐ ᖃᐅᒃᑫ ᐃᓄᐃᑦ ᑲᑎᕐᓱᑕᐅᓯᒪᓂᖏᓐᓄᑦ ᖃᓪᓗᓈᖕᖑᑎᑕᐅᒋᐊᕐᓱᑎᒃ ᐊᒻᒪᓗ ᐅᖃᐅᓯᒃᑯᑦ ᐱᓗᑲᕝᕕᖃᕐᓂᒥᒃ.
ᐯᕆᑦᓯᕕᓐᓂ ᐱᒋᐅᕐᓴᑎᑦᓯᔩᑦ - ᐃᓕᓐᓂᐊᑎᑕᐅᓂᖓ
ᒫᑦᓯ 20 ᐊᒻᒪᓗ 24, 2017 ᐊᑯᓐᓂᖓᓂ, ᑰᑦᔪᐊᒥ ᐃᓕᓐᓂᐊᑎᑕᐅᓂᖃᓚᐅᔫᑦ ᐯᕆᑦᓯᕕᓐᓂ ᐱᒋᐅᕐᓴᑎᑦᓯᔩᑦ ᓄᑖᒧᑦ ᓄᓇᕕᒻᒥ ᑲᒃᑲᓛᕌᐱᓐᓂᒃ ᐃᑉᐱᒍᓱᓐᓂᓄᑦ ᓴᓇᕐᕈᑎᐅᓚᖓᓕᕐᑐᒧᑦ. ᑖᓐᓇ ᐃᑉᐱᒍᓱᓐᓂᓄᑦ ᓴᓇᕐᕈᑎᒃ ᓄᐃᑕᐅᓯᒪᔪᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐯᕆᑦᓯᕕᓕᕆᕕᖓᓄᑦ ᑮᓇᐅᔭᖃᕐᑎᑕᐅᓂᒃᑯᑦ ᓴᐳᑦᔭᐅᓂᖃᕐᓱᓂ ᓄᓇᖃᕐᖄᑐᕕᓃᑦ ᐊᖑᒻᒪᑎᑎᑦᓯᒋᐊᕐᕕᖓᓄᑦ ᓄᓇᕐᓚᓃᑦᑐᓄᑦ ᐊᒻᒪᓗ ᑕᕐᕋᒥ ᓄᓇᓕᓐᓃᑐᓄᑦ ᐱᓇᓱᒐᖓᓄᑦ. ᐱᒋᐊᕐᑎᓯᐅᑎᒃ ᑖᑦᓱᒥᖓᓗ ᐊᑐᕐᑐᓄᑦ ᐊᑐᕐᑕᐅᒐᑐᒐᓂ ᐊᒻᒪᓗ ᐃᓗᒡᒍᓯᑎᒍᑦ ᓈᒻᒪᓱᓂ ᐃᑉᐱᒍᓱᓐᓂᓄᑦ ᐊᒥᓱᐃᑎᒍᑦ ᐱᕈᕐᐸᓕᐊᓂᖏᓐᓂᒃ (ᑎᒥᒥᑎᒍᑦ, ᐃᓱᒪᒋᐅᕐᓴᓂᕐᒥᑎᒍᑦ ᐊᒻᒪᓗ ᐃᓅᖃᑎᖃᕆᐅᕐᓴᓂᕐᒥᑎᒍᑦ-ᐃᑉᐱᒍᓱᓐᓂᒥᑎᒍᑦ) ᑲᒃᑲᓛᓄᑦ ᐅᑭᐅᓕᓐᓄᑦ 4-ᓂᑦ 5-ᓄᑦ ᓄᓇᕕᒻᒥ ᐯᕆᑦᓯᕕᓐᓃᓲᓄᑦ. ᐃᑉᐱᒍᓱᓐᓂᓄᑦ ᓴᓇᕐᕈᑎᒃ ᐊᑐᕐᑕᐅᔪᑦᓴᓕᐊᒍᓯᒪᔪᖅ ᐱᒋᐅᕐᓴᑎᑦᓯᔨᓄᑦ ᐃᑲᔪᕐᓯᒪᔭᐅᓗᑎᒃ ᑲᒃᑲᓛᑦ ᐊᖓᔪᕐᖄᖏᓐᓄᑦ.
ᑲᒪᒋᔭᐅᒋᐊᓕᓐᓄᑦ ᐃᓕᓐᓂᐊᕈᑏᑦ ᖃᓂᒪᓐᓇᖃᕐᑎᑌᓕᑎᑦᓯᓂᕐᓄᑦ ᐊᒻᒪᓗ ᖃᓂᒪᓐᓇᓂᒃ ᐃᑯᓪᓕᑎᕆᓯᒪᓂᕐᓄᑦ ᐯᕆᑦᓯᕕᓐᓂ ᐊᒻᒪᓗ ᑯᐯᒻᒥ ᐃᓕᓴᕐᕕᓂ
ᖃᕆᑕᐅᔭᒃᑯᑦ ᓄᐃᑎᓗᒍ ᑲᒪᒋᐊᕈᑎᓂᒃ ᐃᓕᓐᓂᐊᕈᑏᑦ ᖃᓂᒪᓐᓇᖃᕐᑎᑌᓕᑎᑦᓯᓂᕐᓄᑦ ᐊᒻᒪᓗ ᖃᓂᒻᒪᓐᓇᓂᒃ ᐃᑯᓪᓕᑎᕆᓯᒪᓂᕐᓄᑦ ᐯᕆᑦᓯᕕᓐᓂ ᐊᒻᒪᓗ ᑯᐯᒻᒥ ᐃᓕᓴᕐᕕᓂ (PDF, 4 Mb)
ᑖᒃᑯᐊ ᐊᑐᐊᕋᑦᓭᑦ ᐃᓗᓕᖃᕐᐳᑦ ᓯᕗᓪᓕᐹᖏᓐᓂᒃ ᓯᑕᒪᓂᒃ ᐊᕕᑦᑐᓯᒪᒍᑎᖏᑦᑕ ᐊᒻᒪᓗ ᐃᓚᒋᐊᕈᑎᖏᑦᑕ 3, 4 ᐊᒻᒪᓗ 5-ᖏᓐᓃᑐᓂᒃ ᐃᓕᓐᓂᐊᕈᑏᑦ ᖃᓂᒪᓐᓇᓂᒃ ᐃᑯᓪᓚᑎᕆᓯᒪᓂᕐᓄᑦ ᐊᒻᒪᓗ ᐊᐅᒡᒉᒍᓐᓇᓯᒪᐅᑎᓄᑦ ᖁᐱᕐᕈᐊᕈᓯᕐᓄᑦ ᖃᓂᒻᒪᓚᕿᔪᓂᒃ ᐯᕆᑦᓯᕕᓐᓂ ᐊᒻᒪᓗ ᑯᐯᒻᒥ ᐃᓕᓴᕐᕕᓂ, ᓄᑕᐅᓪᓕᑎᕐᑕᐅᓯᒪᔪᑦ ᐊᒻᒪᓗ ᐊᑐᐃᓐᓇᖑᕐᓯᒪᑦᓱᑎᒃ ᕕᕗᐊᔨ 2015-ᒥ. ᖃᕆᑕᐅᔭᒃᑯᑦ ᓄᐃᒍᓐᓇᑐᑦ ᑖᒃᑯᐊ ᓯᑯᑦᓴᔦᑦ ᑐᕌᖓᑦᓱᑎᒃ ᓄᓇᕕᒻᒧ, ᖃᓪᓗᓈᕐᑎᑑᕐᑐᑦ, ᐃᓄᑦᑎᑐᑦ ᐊᒻᒪᓗ ᐅᐃᒍᐃᑎᑐᑦ, ᐊᑐᐃᓐᓀᑦ ᖃᕆᑕᐅᔭᒃᑯᑦ ᑕᑯᑦᓴᐅᑎᑦᓯᕕᖓᓂ ᓄᓇᕕᒻᒥ ᐃᓗᓯᓕᕆᓂᕐᓄᑦ ᑲᑎᒪᔩᑦ ᐅᕙᓂ nrbhss.gouv.qc.ca.
ᐯᕆᑦᓯᕖᑦ ᐱᓇᓱᐊᕈᓯᖓ 2016-ᒥ - ᐃᑦᔭᓯᔪᑦ
ᐱᓇᓱᐊᕈᓯᖅ ᒣ 30, 2016-ᒥ ᓄᓇᓕᓕᒫᓂ ᓄᓇᕕᒻᒥ ᐯᕆᑦᓯᕖᑦ ᐱᓇᓱᐊᕈᓯᕆᓚᐅᔪᔭᖓ.
ᑌᒣᓪᓗᐊᓕᕐᒪᑦ ᐊᕐᕌᒍᒥ ᐯᕆᑦᓯᕖᑦ ᐱᓇᓱᑦᑎᖏᑦ, ᑲᑎᒪᔨᖏᑦ, ᑲᒃᑲᓛᑦ ᐃᓚᖏᑦ ᐊᒻᒪᓗ ᑲᒃᑲᓛᑦ ᖁᕕᐊᓲᑎᖃᓲᑦ ᓄᓇᕕᒻᒥ ᐯᕆᑦᓯᕕᓐᓂᒃ. ᑲᑎᑦᓱᑎᒃ 1005 ᐃᓂᖃᕐᕕᐅᔪᑦ ᐃᕐᐹᑎᕐᓯᒪᑦᓱᑎᒃ 19-ᓂ ᐯᕆᑦᓯᕕᓐᓂ ᓄᓇᕕᓕᒫᒥ ᓄᓇᓕᓐᓂ. 14 ᐯᕆᑦᓯᕖᑦ ᒪᓂᔨᕕᐅᓯᒪᔪᑦ 250 ᐅᖓᑖᓅᕐᑐᓂᒃ ᐃᓗᐃᒃᑲᑎᒎᕐᑐᓂᒃ ᐱᓇᓱᒐᕐᓂᒃ, ᐅᑯᐊ ᐃᓚᐅᑎᓪᓗᒋᑦ ᐱᒋᐅᕐᓴᑎᑦᓯᔩᑦ, ᑲᒪᔨᒻᒪᕇᑦ, ᓂᕐᓯᐅᑏᑦ ᐊᒻᒪᓗ ᓴᓗᒻᒪᓭᔩᑦ.
ᐊᐅᐸᓗᒃ
ᑲᖏᕐᓱᐊᓗᑦᔪᐊᖅ
ᑰᑦᔪᐊᖅ
ᖁᐊᖅᑕᖅ
2016-ᒥ ᐯᕆᑦᓯᕖᑦ ᑲᒪᔨᒻᒪᕆᖏᑦᑕ ᐊᒻᒪᓗ ᑲᑎᒪᔨᖏᑦᑕ ᐃᓕᓐᓂᐊᑎᑕᐅᓂᖓ ᑰᑦᔪᐊᒥ
ᐯᕆᑦᓯᕖᑦ ᑲᑎᒪᔨᖏᑦ ᐊᒻᒪᓗ ᑲᒪᔨᒻᒪᕆᖏᑦ ᑲᑎᓚᐅᔫᑦ ᐃᓕᓐᓂᐊᑎᑕᐅᓂᖃᕐᓱᑎᒃ ᑰᑦᔪᐊᒥ ᒫᑦᓯ 8-ᒥᑦ 10-ᒧᑦ. ᑲᔪᓯᑎᑕᐅᓚᐅᔫᖅ ᑫᐋᔩᑉ ᐯᕆᑦᓯᕕᓕᕆᕕᖓᓄᑦ, ᐱᑦᔪᑎᖃᓚᐅᔫᖅ ᐃᓕᓐᓂᐊᑎᑕᐅᒋᐊᓪᓚᓂᖏᓐᓂᒃ ᓱᓇᐅᒻᒪᖔᑕ ᐱᓇᓱᒐᖏᑦ ᐊᒻᒪᓗ ᑲᒪᒋᒋᐊᓕᖏᑦ. ᑖᓐᓇ ᐃᓕᓐᓂᐊᓂᖅ ᐃᓘᓐᓀᓄᑦ ᐱᕕᑦᓴᖃᓚᕿᕕᐅᓚᐅᔫᖅ ᐃᓕᑦᓯᓱᒋᑦ ᐊᐅᓚᑦᓯᓃᑦ ᐯᕆᑦᓯᕕᒻᒥᒃ. ᐃᓕᓐᓂᐊᑎᑕᐅᓂᖃᓚᐅᔪᒻᒥᔪᑦ ᑕᕝᕙᓂ ᐸᑦᔦᑦ ᐊᐅᓚᑕᐅᒍᓯᖏᓐᓂᒃ, ᑮᓇᐅᔭᖃᕐᑎᑕᐅᒍᓐᓇᐅᑎᓂᒃ ᐊᒻᒪᓗ ᐊᑭᓕᕐᑕᐅᒍᑎᓂᒃ ᐋᕐᕿᓱᐃᓂᕐᓂᒃ.
