ᓄᓇᕕᒻᒥ
ᐯᕆᑦᓯᕕᓕᕆᓂᖅ

ᑕᕐᕋᓚᕆᒃ ᓲᔪᖅ ᐊᒻᒪᓗ ᐃᓱᒪᒥᑦᓯᐊᕕᒃ

ᕙᓚᑦᔮᓇ ᑯᔦᑯᐊᑲ-ᔮᓐᓴᓐ ᑎᑭᓚᐅᔫᖅ ᑰᑦᔪᐊᒧᑦ ᐊᒻᒪᓗ ᐳᕕᕐᓂᑐᒧᑦ ᖃᐅᔨᒪᓂᕐᒥᓂᒃ ᐃᓕᓭᒋᐊᕐᑐᓱᓂ ᕿᒥᕐᕈᖑᐊᓕᐅᕐᓂᓄᑦ ᑕᒪᖏᓐᓃᓱᓂ ᓄᓇᓖᓐᓂ. ᑕᑯᒐᑦᓴᖑᕐᑎᓯᓯᒪᓕᕐᑐᖅ ᓇᓗᓀᕐᑐᐃᓯᒪᐅᑎᒥᑕ ᐃᓚᖏᓐᓂᒃ ᐊᑑᑎᖃᑦᑕᑕᕕᓂᕐᒥᓂᒃ:

ᐃᓚᒌᓂ  I ᑰᑦᔪᐊᒥ:
www.annickpress.com/blog/entry.php?entry=408

ᐃᓚᒌᓂ  II ᐳᕕᕐᓂᑐᒥ:
www.annickpress.com/blog/entry.php?entry=413

ᑲᓇᑕᒥ ᐃᓗᓯᓕᕆᔨᒃᑯᑦ ᑕᑯᑦᓴᖑᕐᑎᓯᓯᒪᓕᕐᑐᑦ ᕕᕗᐊᔨ 2015-ᒥ ᖃᕆᑕᐅᔭᒃᑯᑦ ᑐᑭᓯᐅᑎᑦᓴᑕᕐᕕᒥᒃ:
Download the February 2015 Click-Info (PDF).

ᐃᓗᐊᓃᑦᑎᓗᒍ ᐱᓇᓱᐊᕐᑕᖏᑦᑕ ᐃᓱᒪ ᐱᕙᓪᓖᒋᐊᕈᑎᐅᑉ esuma.ca, ᑰᑦᔪᐊᒥ ᑎᓯᒻᐱᕆᐅᓚᐅᔫᒥ ᕿᒥᕐᕈᖑᐊᓕᐅᕐᓂᒥᒃ ᐃᓕᓐᓂᐊᑎᑦᓯᓂᖃᓚᐅᔫᖅ ᐃᓚᒋᑦᓱᒋᑦ ᐃᕿᑕᐅᕕᒃ ᐯᕆᑦᓯᕕᐅᑉ ᐱᓇᓱᑦᑎᖏᑦ.

ᓯᑕᒪᐅᔪᕐᑐᑦ ᐱᒋᐅᕐᓴᑎᑦᓯᔩᑦ ᐊᒻᒪᓗ ᐃᕿᑕᐅᕕᒃ ᐯᕆᑦᓯᕕᐅᑉ ᑲᒪᔨᒻᒪᕆᖓ ᓄᐃᑎᕆᓚᐅᔫᑦ ᐃᓄᐃᑦ ᑲᒃᑲᓛᑦ ᐊᑐᐊᒑᐱᖏᓐᓂᒃ. ᐊᓪᓚᑎ, ᒣᑯ ᖁᓱᒐᖅ, ᐊᒻᒪᓗ ᐊᓪᓚᖑᐊᕐᑎ, ᕙᓚᑦᔮᓇ ᑯᔨᑯᐊᑲ, ᐸᕐᓀᓂᑦᓯᐊᓯᒪᓚᐅᔫᒃ ᐊᒻᒪᓗ ᑲᔪᓯᑎᑦᓯᓱᑎᒃ ᐅᓪᓗᑐᑐᕐᒥᒃ 3-ᓂᒃ ᕿᒥᕐᕈᖑᐊᓕᐅᕐᓂᒥᒃ.

ᓴᐅᒥᒻᒥᑦ ᑕᓕᕐᐱᒧᑦ: ᕕᑭ ᑯᓪᓗᓛ, ᐃᓕᓴᐱ ᐋᖕᒪ, ᒪᕆᔅ ᑐᑲᑦ, ᓱᓴᓐ ᑐᓪᓚᕖᓇ, ᒣᑯ ᖁᓱᒐᖅ, ᐄᕙ ᓵᓐᑕ, ᕙᓚᑦᔮᓇ ᑯᔨᑯᐊᑲ, ᓵᓐᑐᔭ ᓰᓪ, ᐱᓃᓇ ᑲᓓᔅ, ᓚᕆᓴ ᐋᓇᖃᑕᒃ ᐊᒻᒪᓗ ᐱᐊᑦᓯ ᕼᐊᑉᓗ. ᐊᑦᔨᓕᐅᕐᑕᐅᔪᓄᑦ ᐃᓚᐅᓐᓂᖏᑦᑐᖅ: ᑭᑎ ᐊᖕᓇᑐᖅ.

'ᐊᓪᓕᖏᓱᖓᕐᑐᓂ ᒣ 31-ᒥ, 12 ᐱᒋᐅᕐᓴᑎᑦᓯᔨᖏᑦ ᐃᕿᑕᐅᕕᒃ ᐯᕆᑦᓯᕕᐅᑉ ᑰᑦᔪᐊᒥ ᐱᔭᕇᓚᐅᔫᑦ ᐃᓕᓭᓂᖓᓂᒃ ᓭᓐᑦ-ᕕᓕᓯᐊᑉ ᑲᒃᑲᓛᕌᐱᓐᓂᒃ ᐱᒋᐅᕐᓴᑎᑦᓯᔨᐅᓂᕐᒧᑦ ᐱᓇᓱᒐᖓᓂ. ᑕᕝᕙᓂ ᐅᓄᕐᓂᐹᒍᓯᒪᓯᕗᑦ ᐱᔭᕇᕐᑐᑦ ᐃᓕᓴᕐᑕᒥᓂᒃ. ᑌᒫᒃ ᐱᑦᓯᐊᕈᑕᐅᒍᓐᓇᓚᕿᓚᐅᔫᖅ ᐊᑐᕐᑎᑕᐅᑎᓪᓗᒍ ᓄᑖᖅ ᐱᓇᓱᑦᑎᓄᑦ ᐃᓕᖓᔪᖅ ᐱᓇᓱᒐᖅ ᐱᒋᐅᕐᓴᑎᑦᓯᔨᓂᒃ ᐃᓕᒪᒍᓐᓇᑎᑦᓯᐅᑎᐅᑦᓱᓂ ᐃᓕᓴᕐᓱᑎᓪᓗ ᐱᓇᓱᐊᕐᓱᑎᓪᓘᓱᑎᒃ ᐯᕆᑦᓯᕕᒻᒥ.'

ᓴᐅᒥᒻᒥᑦ ᑕᓕᕐᐱᒧᑦ: ᐋᓂ ᑯᐊᑕ, ᐁᑲ ᐊᕐᓇᑐᖅ, ᐁᑲ ᑯᐊᑕ, ᓗᐃᓴ ᓵᒥᓵᒃ, ᐊᒫᓐᑕ ᐴᑎ, ᓛᓇ ᑌᕕᑦ, ᐹᓴ ᓴᐸ, ᔨᐊᓯ ᐊᖕᓇᑐᖅ, ᑭᑎ ᐊᖕᓇᑐᖅ, ᐋᓚᔅ ᓯᓅᐹᓪ ᐊᒻᒪᓗ ᓖᔅ ᐳᔨᑕᓐ ᓄᑕᕋᕐᒥᓂᒃ ᑎᒍᒥᐊᕐᑐᖅ. ᓵᓐᑐᔭ ᑕᕐᕿᐊᐱᒃ ᓰᓪᑦ ᐊᑦᔨᓕᐅᕐᑕᐅᔪᓂᒃ ᓂᑦᑕᓂᖕᖏᑐᖅ.

ᐊᓕᐊᒍᑦᔨᕗᒍᑦ ᐃᓘᓐᓀᓂᒃ ᐱᔭᕇᓚᐅᔫᓂᒃ!

ᓇᑦᑐᕋᖅ ᓄᑖᖅ 65-ᓂᒃ ᐃᓂᓕᒃ ᐯᕆᑦᓯᕕᒃ ᐃᓄᑦᔪᐊᒥ. ᖁᕕᐊᓲᑕᐅᓚᐅᕐᑐᖅ ᐅᒃᑯᐃᑕᐅᓂᖃᕐᓱᓂ ᓂᕿᑦᓯᑐᓂ 6-ᒍᒍᑎᖓᓂ ᔫᓂᐅᑉ ᐱᑦᓯᐊᕈᑕᐅᒻᒪᕆᑦᓱᓂ. ᑖᓐᓇ ᐃᓱᓕᑎᑦᓯᐅᑕᐅᓚᐅᕐᑐᖅ ᑕᑯᒥᓇᕐᑐᒪᕆᐅᑦᓱᓂ ᓄᓇᓕᓕᒫᓂ ᓄᓇᕕᒻᒥ ᐯᕆᑦᓯᕕᐅᑉ ᐱᓇᓱᐊᕈᓯᖓᓂᒃ

ᐃᓕᓴᐱ ᐅᐃᑖᓗᑦᑐᖅ, ᑕᓯᐅᕐᕕᒥ ᐱᒋᐅᕐᓴᑎᑦᓯᔨ ᐊᖓᔪᑦᓯᐹᖅ ᓇᑲᑦᓯᔪᖅ ᕿᓚᑦᓯᒪᐅᑎᖓᓂᒃ ᐃᓚᖃᕐᓱᓂ ᓖᑎᐊ ᓱᐊᓯ ᖃᓴᓪᓗᐊᒥᒃ, ᑕᓯᐅᕐᕕᒥ ᑲᒃᑲᓛᓂ ᐊᖓᔪᑦᓯᐹᒥᒃ. ᑑᔭ ᐃᓄᑉᐸᖅ (ᖁᕐᓱᑕᒃᑲᑐᖅ) ᐊᒻᒪᓗ ᓄᖕᖓᖅ ᖃᑦᔮᑳᖅ ᑕᒪᖏᒃ ᐱᒋᐅᕐᓴᑎᑦᓯᔩᒃ ᑎᒍᒥᐊᕐᑎᓗᒋᒃ ᕿᓚᑦᓯᒪᐅᑎᐅᑉ ᕿᓕᕐᓂᖓᓂᒃ. ᑐᖓᓕᖏᓐᓃᑐᑦ ᑐᓄᐊᓂ ᐊᓰᓐᓇᔮᖅ ᕿᓐᓄᐊᔪᐊᖅ, ᑕᓯᐅᕐᕕᒥ ᑲᒪᔨᒻᒪᕆ ᐊᒻᒪᓗ ᓂᐊᓕ ᐹᓚᓴ, ᐃᑲᔪᕐᑎᖓ ᐱᓇᓱᐊᕐᑐᖅ ᓇᑦᑐᕋᕐᒥ. ᐱᖓᔪᐊᓐᓃᑐᑦ ᑐᑭᓕᕇᓂ: ᒥᓂ ᐹᓚᓴ, ᐯᕆᑦᓯᕕᐅᑉ ᑲᑎᒪᔨᖏᑦᑕ ᐊᖓᔪᕐᖄᖓ ᐊᒻᒪᓗ ᑭᒻᐳᓕ ᒧᐊᖃᐅᔅ, ᐊᓪᓚᑎᖓ ᑲᑎᒪᔩᑦ ᐃᓚᓕᒃ ᕿᑐᕐᖓᖏᑦᑕ ᐃᓚᒋᓐᓂᒃ ᒪᕐᕉᓂᒃ ᐄᑐᐊᒥᒃ ᐊᒻᒪᓗ ᔮᓂᒥᒃ.
ᑭᖑᓪᓕᐹᓂ ᑐᑭᓕᕇᓂ ᓂᑯᕐᕋᔪᑦ ᓴᐅᒥᒻᒥᑦ ᐅᑯᐊ: ᐋᓂ ᓈᔅᑕᐴᑲ, ᓗᐃᓴ ᑯᑭᐊᐱᒃ ᐃᒡᒐᑲᕐᑐᖅ ᑐᖑᔪᕐᑕᒥᒃ ᐅᓕᑲᑦᑕᑲᕐᓱᓂ, ᐹᓴ ᓈᓚᑦᑎ, ᔩᓂ ᓇᕐᑌᕌᓗᒃ ᑐᖑᔪᕐᑕᒐᓛᒥᒃ ᐅᓕᑲᑦᑕᑲᕐᑐᖅ, ᒪᕇᔅ ᑐᑲᑦ, ᒥᐊᔨ ᓈᓚᑦᑑᔭᖅ, ᑲᕐᒥᐊᓐ ᐸᑦᓴᐅᖅ ᐃᒡᒐᑲᕐᑐᖅ ᐊᒻᒪᓗ ᐋᓂ ᒣᓇ.

ᓄᓇᓕᒥᐅᑦ ᐅᒃᑯᐃᓯᓂᕐᒧᑦ ᐃᓚᐅᓚᐅᔫᑦ.

ᓇᑦᑐᕋᖅ ᓄᑖᑉ ᐯᕆᑦᓯᕕᐅᑉ ᓯᕗᕌ.