ᐸᐃᕆᑦᓯᕕᐅᑉ ᐃᒐᔨᖓᑕ ᐅᓪᓗᖏᑦ ᐊᑦᔨᐅᖏᑦᑐᓂᒃ ᐃᓚᒋᐊᕐᓯᒪᔪᑦ 2020-2021
Download the document (PDF, 3,7 Mo).
ᖃᐅᔨᒪᓐᓂᖀᑦ 2005ᒥᓂᑦ ᐸᐃᕆᑦᓯᕕᐅᑉ ᐃᒐᔨᖏᑦ ᐊᑐᓲᖑᒻᒪᑕ ᐸᐃᕆᑦᓯᕕᒻᒨᓕᖓᓪᓗᑯᐊᐱᑦᑐᓂᒃ ᐅᓪᓗᓂᒃ ᓴᓇᔭᐅᓲᓂᒃ ᑲᑎᕕᒃ ᐃᓕᓴᕐᓂᓕᕆᓂᕐᒧᑦ (ᑫᐁ) ᐃᑲᔪᕐᓱᒋᑦ ᐸᕐᓇᕈᑎᖏᓐᓂᒃ ᐱᐊᕋᐃᑦ ᓂᕆᔭᑦᓴᖏᓐᓅᓕᖓᔪᓂᒃ ᐊᒻᒪᓗ ᓱᓇᐅᓂᖏᓐᓂᒃ ᓂᕆᒐᑦᓴᐃᑦ ᕿᒥᕐᕈᐊᖏᓐᓂᒃ?
ᐅᓇᑕᒐ ᓇᑦᓯᐊᓕᐅᑦ(ᒫᑦᔨ) ᐅᓪᓗᖓᑕ ᒪᑉᐱᒐᖓ ᐊᑦᔨᐅᖏᑦᑐᓂᒃ ᐃᓚᒋᐊᕐᓯᒪᔪᕐᑕᓕᐅᑉ ᐅᓪᓗᖏᓐᓃᑐᖅ 2020-2021. ᑕᑯᓂᐊᖁᕙᑦᑎᒋᑦ ᑕᒃᑯᖓ ᐅᑭᐅᒨᓕᖓᔪᓂᒃ ᐅᓪᓗᓂᒃ ᐃᓗᐃᑦᑐᓂᒃ (ᐱᑐᑦᓯᒪᐅᑎ) ᐊᒻᒪᓗ ᐊᒥᓱᓕᕐᑎᕆᐅᑎᒧᑦ ᐊᑦᔨᓕᐅᕆᒍᓐᓇᓱᑎᑦ ᕈᒪᒍᕕᑦ.
ᑕᐃᔭᐅᒋᐊᓖᑦ: ᑲᑎᕕᒃ ᐃᓕᓴᕐᓂᓕᕆᓂᖅ, ᒪᕐᑦ ᐸᕆ (ᐃᒫᖓᐃᕐᑎ), ᐃᒥᓕ ᕙᐃᓯᐊᕐ (ᓂᕿᓂᕆᔨᒻᒪᕆᒃ) ᐊᒻᒪᓗ ᓚᐃᓚ ᒪᕐᓵᓐ (ᒪᕐᓯ ᑕᐅ).
ᑯᕕᐊᓇᒃ ᐃᓄᕕᐊ 2020 !
ᐯᕆᑦᓯᕖᑦ ᐊᐅᓚᑕᐅᓂᖏᑦ - ᑐᖓᓕᐊᓂ ᐊᓪᓚᖑᕐᑎᑕᐅᔪᑦ
ᒫᑦᔨ 9, 2020 ᐱᓇᓱᐊᕈᓯᖓᓂ, ᑲᒪᔨᒻᒪᕇᑦ ᐯᕆᑦᓯᕕᓐᓂ ᓄᓇᕕᒻᒥ ᑰᒃᔪᐊᓕᐊᕐᓯᒪᓚᐅᔪᒻᒪᑕ ᑐᖓᓕᐊᓂ ᓄᓇᓕᓐᓂ ᐃᓕᓐᓂᐊᑎᑦᓯᒍᑎᓂᒃ ᐃᓕᓐᓂᐊᕆᐊᕐᓱᑎᒃ ᑌᔭᐅᔪᓂᒃ ᐯᕆᑦᓯᕕᓐᓂᒃ ᐊᐅᓚᑦᓯᓂᖅ. 11 ᐃᓕᓐᓂᐊᓚᐅᔪᑦ ᐱᓇᓱᐊᕈᓯᕐᒥ ᓯᕗᓪᓕᐹᒥ. ᑖᓐᓇ ᐃᓕᓐᓂᐊᑎᑦᓯᒍᑎᐅᔪᖅ ᑐᓴᐅᒪᖃᑎᒌᑦᓯᐊᓂᕐᒥᒃ, ᓯᕗᓕᕐᓂᒥᒃ, ᓱᓇᔨᐅᓂᖏᓐᓂᓗ ᐯᕆᑦᓯᕕᓐᓂ ᑲᒪᔨᒻᒪᕇᑦ ᐊᒻᒪᓗ ᖃᓄᖅ ᐃᓄᑐᐃᓐᓀᑦ ᐃᓗᕐᖁᓯᖓ ᐊᑑᑎᔭᐅᑦᓯᐊᕈᓐᓇᒪᖔᑦ ᐯᕆᑦᓯᕕᓐᓂ.
ᑖᒃᑯᐊ ᐃᓕᓐᓂᐊᑎᑕᐅᒍᑏᑦ ᐊᕐᕌᒎᑉ ᐅᖓᑖᓅᓛᕐᑐᑦ ᐃᓕᓐᓂᐊᑎᑦᑕᐅᓂᖃᖃᑦᑕᓗᑎᒃ ᐱᓇᓱᐊᕈᓯᓕᒫᒥ ᐱᖓᓲᔪᕐᑐᑦ ᐱᓇᓱᐊᕈᓯᑕᒫᑦ. ᐃᓕᓐᓂᐊᑎᑦᓯᓂᖃᖃᑦᑕᓛᕐᑐᑦ ᓄᓇᓕᓐᓂ ᐊᑦᔨᒌᖕᖏᑐᓂ. ᐃᓕᓐᓂᐊᖃᑦᑕᑐᑦ ᐱᔭᕇᑦᓯᐊᑐᐊᕈᑎᒃ ᐃᓕᓐᓂᐊᑎᑕᐅᒍᑎᒥᓂᒃ ᐱᔭᕇᕈᓯᕐᑕᐅᓛᕐᑐᑦ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒻᒥ ᐃᓕᓐᓂᐊᓂᕐᒧᑦ.
ᐯᕆᑦᓯᕕᓐᓂ ᑲᒪᔨᒻᒪᕇᑦ ᐃᓕᓐᓂᐊᑎᑕᐅᓂᖓ ᐱᒍᓐᓇᓯᑎᑕᐅᓯᒪᔪᖅ ᐱᓇᓱᐊᖃᑎᐅᑎᓪᓗᒍ ᐳᕐᑐᓂᕐᓴᒋᐊᓪᓚᒥ ᐃᓕᓐᓂᐊᕕᒃ Saint-Félicien ᐊᒥᓱᒋᓪᓚᓂᒃ ᐃᑲᔪᕐᑎᖃᕐᒥᓱᑎᒃ, ᐃᓚᐅᑎᓪᓗᒋᑦ ᑲᑎᕕᒃ ᓄᓇᓕᓕᒫᑦ ᑲᕙᒪᖓᑦ, ᑲᑎᕕᒃ ᐃᓕᓴᕐᓂᓕᕆᓂᖅ, ᐊᓪᓓᑦ ᑯᔩ ᑲᕙᒪᖓᑦ ᐊᒻᒪᓗ ᓄᓇᓕᑐᙯᑦ ᑯᐯᒻᒥ ᓛᐸᑐᐊᒥᓗ ᐃᓗᓯᓕᕆᔨᖏᑦ ᐃᓄᓕᕆᔩᓪᓗ ᖃᐅᔨᓴᕐᑕᐅᒍᑎᖏᑦ. ᓯᕗᓪᓕᐹᒥ ᐊᑑᑎᒋᐊᖕᖓᓚᐅᔪᔪᑦ ᓄᓇᕕᒻᒥ ᕕᕗᐊᕆ 2018-ᒥᑦ ᔫᓂ 2019-ᒧᑦ.
ᐯᕆᕐᓂᕕᓐᓂᑦ ᐊᐅᓚᑦᓯᓕᕆᓂᕐᒧᑦ ᑲᑎᒪᓂᖅ, ᔮᓄᐊᕆ 2020
ᐃᓘᓐᓇᑎᒃ ᑲᑎᑦᓱᑎᒃ 24 ᐯᕆᕐᓯᕖᑦ ᑐᑭᒧᐊᕐᑎᓯᔨᖏᑦ, KRG-ᑯᑦ ᐯᕆᕐᓯᕕᓐᓄᑦ ᐱᓇᓱᑦᑎᖁᑎᖏᑦ ᐊᒻᒪᓗ ᑮᓇᐅᔭᓕᕆᔨᖓ ᕃᒧ ᓴᐸᑦ ᑲᔮᓐᑦ ᓱᐊᓐᑕᓐ ᐃᓚᐅᓚᐅᔪᖅ ᐊᕐᕌᒍᑕᒫᑦ ᐊᐅᓚᑦᓯᓂᕐᒧᑦ ᑲᑎᒪᓂᖓᓂ ᑰᑦᔪᐊᒥ ᔮᓄᐊᕆ 20 ᒥ 21-ᒥᓪᓗ. ᐊᑑᑎᒋᐊᓖᑦ ᐅᖃᕐᑕᐅᓚᐅᔪᖏᓐᓂᑦ ᑐᖓᓪᓕᐅᒍᑎᐅᓚᐅᔪᖅ ᓄᓇᓖᑦ ᑐᑦᓯᒐᐅᑎᖏᑦᑕ ᐊᐅᓚᑦᓯᓕᕆᓂᕐᒧᑦ ᐯᕆᕐᓯᕖᑦ ᐱᓇᓱᑦᑎᓂᑦ ᐱᕆᐅᕐᓭᓂᕐᒧᑦ ᐱᔭᑦᓴᖅ (ᐊᑐᐃᓐᓇᐅᕐᑎᑕᕕᓂᖅ ᐱᒋᐊᖕᖓᕕᖓ ᒫᑦᓯ 9-ᒥ), ᓄᓇᓕᓕᒫᑦ ᐱᓇᓱᑦᑐᓕᕆᕕᖓ ᐊᒻᒪᓗ ᐃᒻᒪᖃᐅᑏᑦ ᒪᓕᒐᖏᑦ ᐯᕆᕐᓯᕖᑦ ᐱᓇᓱᕝᕕᖏᓐᓄᑦ, ᐊᒻᒪᓗ ᓄᑖᖅ ᐊᕐᕌᒍᑕᒫᑦ ᕿᑲᒍᓐᓇᐅᑎᓄᑦ ᐃᑲᔪᕐᓯᐅᑏᑦ ᐯᕆᕐᓯᕖᑦ ᐱᓇᓱᑦᑎᖏᓐᓄᑦ ᓄᓇᓕᓕᒫᓂᑦ.
ᑕᒪᒃᑯᐊ ᐃᓄᑦᓯᐊᐹᓗᐃᑦ, ᐊᒻᒪᓗ ᐊᒥᓱᒋᐊᓪᓓᑦ ᐃᓄᐃᑦ ᐯᕆᕐᓯᕕᓕᒫᑦ ᐱᓇᓱᕝᕕᖏᓐᓂᑦ ᓄᓇᓕᓕᒫᓂᑦ, ᓄᓇᕕᐅᑉ ᐯᕆᕐᓯᕕᖏᓐᓂᑦ ᐱᕙᓕᐊᑎᑦᓯᓂᕐᒧᑦ ᐃᑲᔪᕐᓯᓯᐊᕐᑐᑦ.
2019-ᒥ ᓯᕗᓪᓕᐸᐅᑦᓱᓂ ᐯᕆᑦᓯᕖᑦ ᐊᐅᓚᑦᓯᔨᖏᑦᑕ ᐱᔭᕆᐅᕐᓴᑕᐅᓂᖏᑦᑕ ᐱᔭᕇᕈᓯᕐᑕᐅᓂᖏᑦ
ᔫᓂ 29, 2019, 15 ᐃᓕᓐᓂᐊᑏᑦ, 8 ᐯᕆᑦᓯᕖᑦ ᐊᐅᓚᑦᓯᔨᖏᑦᑕ ᐱᓇᓱᑦᑎᖏᑦ ᐊᒻᒪᓗ 7 ᑲᑎᕕᒃ ᓄᓇᓕᓕᒫᑦ ᑲᕙᒪᖓᑕ ᐯᕆᑦᓯᕕᓕᕆᓂᕐᒥ ᐱᓇᓱᑦᑎᖏᑦ ᑐᓂᔭᐅᓚᐅᕐᑐᑦ ᓇᓗᓀᕐᓯᒍᑎᒥᒃ ᓯᓚᑦᑐᓴᕐᕕᒧᑦ ᐃᓕᓐᓂᐊᑕᕕᓂᕐᒥᓄᑦ ᐊᐅᓚᑦᓯᓂᓕᕆᓂᕐᒥ ᐯᕆᑦᓯᕕᓐᓂ CEGEP Saint-Félicien-ᒥᑦ ᐱᔪᒥᑦ. ᑖᓐᓇ ᐱᓇᓱᐊᕐᑕᐅᔪᖅ ᓄᑖᖅ ᐱᒋᐊᓚᐅᔪᖅ ᕕᕗᐊᕆ 2018-ᒥ ᐊᒻᒪᓗ ᓄᓇᓕᓐᓂ ᐱᔭᕆᐅᕐᓭᓂᕐᒥᒃ ᑐᖕᖓᕕᖃᕐᓱᓂ ᐱᓇᓱᐊᕐᑕᐅᔪᖅ ᐃᓕᓐᓂᐊᑎᓂᒃ ᐃᓕᑦᓯᓕᐅᒥᑎᑦᓯᒍᓯᐅᑦᓱᓂ ᐅᖃᖃᑎᒌᓐᓂᒥᒃ, ᓯᕗᒃᑲᑕᕐᑎᐅᓂᕐᒥᒃ, ᐊᐅᓚᑦᓯᔨᐅᓂᕐᒥᒧᑦ ᖃᓄᐃᓘᕐᑎᐅᓂᕐᒥᒃ, ᐊᒻᒪᓗ ᖃᓄᑦ ᐃᓄᑐᐃᓐᓇᐅᓂᐅᑉ ᐃᓕᕐᖁᓯᖓᑎᒍᑦ ᐊᑑᑎᑎᑦᓯᓕᐅᒥᒍᓐᓇᓂᕐᒥᒃ ᐯᕆᑦᓯᕖᑦ ᐃᓗᐊᓂ.
ᐅᐱᒍᓲᑦᔨᕗᒍᑦ ᐅᑯᓂᖓ (ᓴᐅᒥᐊᓂᑦ ᑕᓕᕐᐱᐊᓄᑦ ᓯᕗᐊᓃᓰᑦ) ᕉᑕ ᐃ ᐸᓚᒥᖕ, ᐋᓚᓯ ᖃᕐᖁᑐᖅ, ᓵᓐᑐᔭ ᐋᓐ ᓯᐅᓪᑦ, ᔨᐊᓯᐊ ᐃᒪᕐᓚᒃ, (ᓴᐅᒥᐊᓂᑦ ᑕᓕᕐᐱᐊᓄᑦ ᑐᓄᐊᓃᕐᓰᑦ) ᓖᓴ ᑰᑦᓄᐊ, ᕉᑕ ᒪᖏᐅᖅ, ᓯᓕᓴ ᓯᓅᐹ, ᐋᓂ ᑯᐊᑕ, ᔨᓂ ᐊᔭᒍᑕᒃ ᒥᒃᐱᒐᒃ, ᓕᓯ-ᐋᓐ ᐃᔅᐳᔮᓐ, ᒪᕇᔅ ᑐᕐᑳᑦ, ᐁᓇ ᐋᓇᓈᒃ, ᓗᐃᓴ ᐃᓄᒃᐸᒃ, ᓵᓕ ᓇᕐᑌ ᐊᒻᒪᓗ ᔫᓕ-ᐋᓐ ᐴᑎ.
