TO NAVIGATION

ᑯᑦᔪᐊᕌᐱᒃ

ᓴᖅᓕᐊᕕᒃ ᐯᕆᑦᓯᕕᒃ

ᓴᖅᓕᐊᕕᒃ

Saqliavik-PIK-Logo

P.O. Box 429
ᑯᑦᔪᐊᕌᐱᒃ ᑯᐯᒃ J0M 1G0
ᐅᖄᒍᑎᖓ  819-929-3361
ᓱᑲᑦᑐᑰᕐᑎᓯᐅᑎᖓ  819-929-3520
Cette adresse e-mail est protégée contre les robots spammeurs. Vous devez activer le JavaScript pour la visualiser.

ᐱᔪᓐᓇᐅᑎᖓ  
ᐃᓂᖏᑦ  40
ᓄᑕᕃᑦ  (0-17 ᑕᕐᕿᓖᑦ)   5
ᑲᒃᑲᓛᑦ  (18-59 ᑕᕐᕿᓖᑦ)  35

Saqliavik-PIKᓴᖅᓕᐊᕕᒃ ᐯᕆᑦᓯᕕᒃ, ᑯᑦᔪᐊᕌᐱᒃ

ᑯᑦᔪᐊᕌᐱᒃ (ᐃᓄᖏᑦ: 1210)

ᑰᑦᔪᐊᕌᐱᒃ – ᑰᑦᔪᐊᕌᐱᒃ - ᖃᓪᓗᓈᕐᑎᑐᑦ ᑯᔭᑦ ᕙᓪ ᕆᕙ-ᐅᓂᕋᕐᑕᐅᓯᒪᒻᒥᔪᖅ (Great Whale River), ᐳᔅ ᑎ ᓚ ᐸᓚᐃᓐᒍᓂᕋᕐᑕᐅᓱᓂᓗ (Poste de la Baleine) ᐅᐃᒍᐃᑎᑐᑦ, ᐊᒻᒪᓗ ᐊᓪᓚᓄᑦ ᑯᔩᑎᑐᑦ ᕗᐊᒻᒪᑰᔅᑐᐃ - ᐃᓄᑦᑕᖃᕐᓯᒪᔪᖅ 2900-ᓂ ᐊᕐᕌᒍᓂ. ᑕᓯᐅᔭᕐᔪᐊᑉ ᓯᑦᔭᖓᓃᑦᑐᖅ, ᓄᓇᓕᒋᔭᐅᑦᓱᓂ ᐊᓪᓚᓄᑦ ᐊᒻᒪᓗ ᐃᓄᓐᓄᑦ ᐃᓄᖏᑦ ᐊᓪᓚᐃᓗ 1200-ᓂᒃ ᐅᓄᕐᓂᓖᑦ. ᐊᕐᕌᒍᓂ ᐊᒥᓱᓂ ᐊᓯᑦᔨᐸᓪᓕᐊᓯᒪᓪᓚᕆᑦᑐᖅ. 1820-ᓂ ᓂᐅᕐᕈᓴᐃᕕᒃ ᓄᐃᑕᐅᓚᐅᕐᑐᕕᓂᖅ, 1880-ᓂᓪᓗ ᐊᔪᕿᕐᑐᐃᔨᓄᑦ ᑎᑭᑕᐅᕙᓪᓕᐊᓯᒪᑦᓱᓂ, ᐊᒻᒪᓗ ᐋᓐᓂᐊᓯᐅᑎᓄᑦ ᐊᒻᒪᓗ ᐃᓅᓯᓕᕆᔨᓄᑦ ᐊᕐᕌᒍᐃᑦ 100-ᐅᓈᕐᑎᑐᑦ 20-ᒍᑎᖓᑕ ᖁᑉᐹᓂ. ᑰᑦᔪᐊᕌᐱᒻᒥᐅᑦ ᐃᓄᖏᑦ ᐆᒪᔪᕐᓯᐅᕙᓪᓗᓲᑦ ᑐᑦᑐᓂᒃ, ᓇᑦᓯᓂᒃ ᐊᒻᒪᓗ ᕿᓚᓗᒐᕐᓂᒃ, ᓂᐅᕕᕐᕕᓂᑕᕐᐸᓱᑎᓪᓗ, ᑕᑯᒥᓇᕐᑐᓂᒃ ᐊᓪᓚᖑᐊᕐᓯᒪᔪᓂᓪᓗ ᐃᓂᕐᓯᕙᑦᓱᑎᒃ, ᓂᐅᕐᕈᓴᐃᑦᓱᑎᓪᓗ ᒥᖅᑯᓕᔭᓂᒃ ᐊᒻᒪᓗ ᐅᕐᓱᐊᓗᓐᓂᐊᕕᖃᕐᓱᑎᒃ ᑳᓴᓖᓂᓪᓗ.

ᑰᑦᔪᐊᕌᐱᒥ ᑭᒡᒐᑐᕐᕕᓄᑦ ᐃᓚᒋᔭᐅᔪᑦ ᐃᓪᓗᓕᕆᓂᖅ (ᓄᓇᓖᑦ ᑲᕙᒫᐱᒃᑯᖏᓐᓄᑦ) ᐊᒻᒪᓗ ᐋᓐᓂᐊᓯᐅᑎᒃᑯᑦ, ᓄᓇᓖᓪᓗ ᐱᕙᓪᓕᐊᓂᕆᕙᓪᓗᑕᖏᑦᑕ ᐃᓚᖓ ᐸᐃᕆᑦᓯᕕᖃᕐᓂᖅ, ᓴᖅᓕᐊᕕᒻᒥᒃ. ᓴᖅᓕᐊᕕᒃ ᓄᐃᑕᐅᔪᕕᓂᖅ 1999-ᒥ. ᐃᓄᒻᒪᕆᖓᑦᑕ ᐃᓚᖓ ᓗᐃᓴ ᕕᓚᒥᖕ ᐊᒻᒪᓗ ᐋᓐᓂᐊᓯᐅᑏᒃ ᑐᐊᕆᔅ ᒪᒃᑖᓄᓪ ᐊᒻᒪᓗ ᐱᐊᓚ ᕗᐊᕆᔅ, ᓄᐃᑦᓯᓚᕆᑦᓯᒪᔪᑦ ᑖᑦᓱᒥᖓ ᐅᓪᓗᒥᓂᑕᕐᒥᒃ ᐃᖏᕐᕋᓯᐊᕐᓱᓂᓗ ᐸᐃᕆᑦᓯᕕᒻᒥᒃ.

ᓴᖅᓕᐊᕕᒃ ᐸᐃᕆᑦᓯᕕᒃ

ᐯᕆᑦᓯᕕᒃ ᐱᒋᐊᕐᓯᒪᓂᕋᕐᑕᐅᔪᖅ ᓯᕗᓪᓕᐹᒥ ᐃᓪᓗᒥ ᖃᑯᕐᑕᒥ, ᑐᐊᕆᔅ ᒪᒃᑖᓄᓪ ᐊᒻᒪᓗ ᐱᐊᓚ ᕗᐊᕆᔅ ᐃᑲᔪᕐᓯᒋᐊᕐᑐᕕᓂᐅᑎᓪᓗᒋᑦ ᑲᒃᑲᓛᓂᒃ ᐊᐅᖏᑦᑕ ᓱᐴᓗᑕᖏᑦ ᓴᖐᑐᓂᒃ. ᕿᑐᕐᖓᕇᓐᓄᒎᖅ ᐊᐃᕕᐅᑲᑦᑕᐸᓚᐅᕐᑑᒃ ᐅᖃᐅᓯᖃᖃᑎᖃᕆᐊᕐᑐᑐᓄᑦ ᓂᕿᑦᓯᐊᑑᒪᓂᕐᒧᐊᖓᔪᓂᒃ, ᐆᑦᑑᑎᒋᑦᓱᒋᑦ ᓱᓇᓄᑦ ᕿᑐᕐᖓᖏᑦᑕ ᐊᐅᖏᑦ ᓲᖑᓕᕈᓐᓇᒪᖔᑕ. ᐊᓪᓛᑦ, ᓄᓇᓕᓐᓂ ᓄᐃᑕᐅᔪᕕᓂᖅ ᓂᕿᑦᓯᐊᑑᒪᑎᑦᓯᓂᕐᒧᑦ ᑭᒡᒐᑐᕈᑎᒃ ᐊᐅᕐᓗᓇᕐᒥᒃ ᐃᑯᓪᓚᐅᒥᑎᑦᓯᒋᐊᕈᑕᐅᑦᓱᓂ. ᐃᓄᖏᑦ ᐃᓕᓐᓂᐊᑎᑕᐅᓯᒪᒻᒥᔪᑦ ᐃᓕᑦᓯᒍᒪᔪᑦ ᓂᕿᐊᑦᓯᐅᓕᐅᕐᓂᓂᒃ. ᑭᖑᓂᖓᒍᑦ, ᑐᐊᕆᔅ ᐊᒻᒪᓗ ᐱᐊᓚ ᑲᒪᖃᑕᐅᓕᕐᑐᕕᓃᒃ ᐅᖃᐅᓯᕆᔭᐅᓕᑕᐃᓐᓇᓯᑎᓪᓗᒍ ᓄᐃᑕᐅᓂᖓ ᐸᐃᕆᑦᓯᕕᐅᑉ ᑰᑦᔪᐊᕌᐱᒻᒥ.

ᐊᕐᕌᒍᐃᑦ 1990 ᐊᑐᕐᑎᓗᒋᑦ, ᑲᑎᒪᑎᑕᐅᖃᑦᑕᑐᕕᓃᑦ ᓇᓗᓇᐃᕐᑕᐅᒋᐊᕐᑎᓗᒍ ᐸᐃᕆᑦᓯᕕᐅᑉ ᑭᖒᒪᓇᕐᓂᖓ ᐊᒻᒪᓗ ᐸᐃᕆᑦᓯᕕᖃᕐᑎᓯᓂᕐᓄᑦ ᑭᒡᒐᑐᕐᓂᖅ ᓄᐃᑕᐅᒋᐊᓯᑎᓪᓗᒍ. ᕕᓕᒥᖕ ᑲᑎᒪᖃᑕᐅᖃᑦᑕᑐᕕᓂᖅ ᐊᒻᒪᓗ ᓄᓇᓕᒥᐅᒍᖃᑎᒥᓂᒃ ᑲᔪᖏᕐᑐᐃᓱᓂ. ᐊᒥᓱᕕᑦᓱᓂ, ᓗᐃᓴ ᑐᓴᐅᑎᒃᑰᕈᑎᖃᖃᑦᑕᑐᕕᓂᖅ ᐅᖃᐅᓯᖃᕐᓱᓂ ᐱᒻᒪᕆᐅᓂᖓᓂᒃ ᐸᐃᕆᑦᓯᕕᖃᕆᐊᖃᕐᓂᐅᑉ, ᓄᓇᓕᒥᐅᓂᓪᓗ ᐃᖅᑲᐃᑎᑦᓯᒋᐊᖃᑦᑕᓱᓂ ᕿᑐᕐᖓᒥᓂᒃ ᓯᕗᓂᑦᓴᖃᕆᐊᒥᓂᒃ ᐊᒻᒪᓗ ᐱᖏᓐᓇᖏᑦᑐᒥᒃ ᐱᕈᑉᐸᓕᐊᑦᓯᐊᓇᕐᑐᒥᒃ ᐃᓂᖃᕆᐊᖃᕆᐊᖏᓐᓂᒃ. ᓄᑖᖅ ᐸᐃᕆᑦᓯᕕᒃ ᐱᒋᐊᕐᐸᓕᐊᓯᒻᒪᑦ ᐊᒻᒪᓗ ᓴᓇᔭᐅᕙᓪᓕᐊᓯᒻᒪᑦ, ᑐᐊᕆᔅ ᒪᒃᑖᓄᓪ ᐊᒻᒪᓗ ᐱᐊᓚ ᕗᐊᕋᔅ ᐱᒋᐅᕐᓴᑎᑦᓯᔨᐅᓚᖓᔪᓂᒃ ᑲᒃᑲᓛᕌᐱᓐᓂᒃ ᐃᓕᓐᓂᐊᑎᑦᓯᔨᐅᓗᑎᒃ ᐃᓕᓴᕋᑦᓴᓯᐅᓕᕐᑐᕕᓃᒃ. ᐊᓱᐃᓛᒃ, ᐊᒥᓱᑦ ᐱᒋᐅᕐᓴᑎᑦᓯᔨᐅᖅᑳᓯᒪᔪᑦ ᓴᖅᓕᐊᕕᒃ ᐸᐃᕆᑦᓯᕕᒻᒥ ᕿᑐᕐᖏᐅᑐᕕᓂᐅᕗᑦ ᐳᓛᕆᐊᕐᐸᑐᕕᓂᐅᑦᓱᑎᒃ ᑐᐊᕆᔅᒥᒃ ᐊᒻᒪᓗ ᐱᐊᓚᒥᒃ ᐃᓪᓗᒧᑦ ᖃᑯᕐᑕᒧᑦ.

ᑲᒃᑲᓛᕌᐱᓐᓂᒃ ᐃᓕᓐᓂᐊᑎᑦᓯᔨᐅᓂᕐᒧᑦ ᐃᓕᓴᕐᓂᖅ

1998-ᒍᑎᓪᓗᒍ, ᐃᓕᓐᓂᐊᑎᑦᓯᓂᖅ ᓂᕿᑦᓯᐊᑑᒪᑎᑦᓯᓂᕐᒥᒃ ᐊᒻᒪᓗ ᑲᒃᑲᓛᕌᐱᓐᓂᒃ ᐃᓕᓐᓂᐊᑎᑦᓯᔨᐅᓂᕐᒧᑦ ᐱᒋᐊᕐᑎᑕᐅᓕᕐᑐᕕᓂᐅᕗᑦ ᐃᓪᓗᒥ ᖃᑯᕐᑕᒥ. ᐱᒋᐅᕐᓴᑎᑦᓯᔨᐅᓂᕐᒥᒃ ᐃᓕᓐᓂᐊᑎᑦᓯᓂᖅ ᐸᕐᓇᐃᑕᐅᔪᕕᓂᖅ ᓯᔨᐊᑉ ᓴᐃᓐ-ᕕᓕᓯᐊᒧᑦ 9ᕋᖀᑐᕿᔨ ᐳᖑᓂᓴᑎ-Fᖀᓗᓂᖃᓂᕿᓴ0.  ᐃᓕᓴᖃᑕᐅᔪᑦ ᐃᓚᖏᑦ ᐅᖃᐅᓯᖃᖃᑦᑕᓚᐅᕐᓯᒪᔪᑦ ᐱᒋᐅᕐᓴᑎᑦᓯᔨᐅᓂᕐᒧᑦ ᐃᓕᓴᕐᓂᖅ ᑕᑭᔫᒋᐊᖓᓂᒃ ᐊᒻᒪᓗ ᐃᓗᓕᖃᓗᐊᕆᐊᖓᓂᒃ, ᑭᓯᐊᓂ ᐃᓕᓴᖃᑕᐅᔪᑦ ᐱᕙᓪᓕᕈᑎᖃᑦᓯᐊᓂᖏᑦ ᑐᑭᓯᒪᔭᐅᑦᓯᐊᖃᑦᑕᓚᐅᕐᓯᒪᔪᑦ: ᐊᕐᓇᐃᑦ ᐃᓕᓴᖃᑕᐅᔪᑦ ᑐᑭᓯᓕᐅᒥᓂᕋᖃᑦᑕᑐᕕᓂᐅᒻᒪᑕ ᕿᑐᕐᖓᖏᑦ ᓱᓇᓂᒃ ᑭᙴᒪᑦᓯᒪᖔᑕ; ᐱᒋᐅᕐᓴᑎᑦᓯᔩᓪᓗ ᐊᑐᐃᓐᓇᐅᓂᕐᓴᐅᓕᕆᐊᒥᓂᒃ ᑲᒃᑲᓛᕌᐱᓐᓂᒃ ᑲᒪᑦᓯᐊᕆᐊᒥᒃ ᐅᖃᐅᓯᖃᕐᑎᓗᒋᑦ ᐃᑉᐱᒋᓗᒋᑦ ᑲᒃᑲᓛᑦ ᐊᑦᔨᒌᙱᑐᑦ ᐱᕈᑉᐸᓕᐊᓂᕐᒥᓂ ᐊᑑᑎᓲᖏᑦ ᐱᐅᓯᕆᓲᖏᓪᓗ; ᐊᒻᒪᓗ ᐃᓕᓴᐃᔩᑦ ᐃᓕᑕᕐᓯᕙᓕᕐᓂᕋᕐᓱᑎᒃ ᐃᓕᓴᕐᓯᒪᔪᓂᒃ ᐱᒋᐅᕐᓴᑎᑦᓯᔨᖃᕐᑎᓯᓂᐅᑉ ᐱᕙᓪᓕᖁᑎᐅᓂᖓᓂᒃ ᐃᓕᓴᕆᐊᓕᕐᓵᖏᓐᓂᒥᓂ ᐱᒋᐅᕐᓴᑎᑦᓯᔨᖃᓕ-ᓂᐅᑦᓱᑎᒃ ᐱᕙᓪᓕᓯᒪᒌᖃᑦᑕᓕᕐᓂᒪᑕ.

ᓗᐃᓴ ᕕᓚᒥᖕ ᐅᖃᐅᓯᖃᑦᓯᐊᖃᑦᑕᓚᐅᕐᓯᒪᔪᖅ ᓴᖅᓕᐊᕕᒃ ᐸᐃᕆᑦᓯᕕᒃ ᐱᑦᔪᑎᖃᙱᓂᖓᓂᒃ "ᓇᔪᕐᓯᕕᑐᐃᓐᓇᐅᒋᐊᕐᒥᓂᒃ. (ᐱᒋᐅᕐᓴᑎᑦᓯᔩᑦ) ᑲᒃᑲᓛᓂᒃ ᐃᓕᓐᓂᐊᑎᑦᓯᔨᐅᒻᒪᑕ." ᐃᓕᓴᐃᓂᖃᕐᑎᓯᓂᖓ ᓯᔨᐊᑉ ᓴᐃᓐᑦ-ᕕᓕᓯᐊ - ᑖᒃᑯᓄᖓᓗ ᓱᓕ ᐃᓕᓐᓂᐊᑎᑦᓯᓂᐅᓲᑦ ᐊᑐᐃᓐᓇᐅᑎᑕᐅᕙᑦᓱᑎᒃ - ᐃᑲᔪᕐᓯᓯᒪᔫᔮᙱᓚᑦ ᐱᒋᐅᕐᓴᑎᑦᓯᔨᓂᒃ ᐊᑐᐃᓐᓇᕈᑦᑎᓂᖏᑎᒍᑦ ᑲᒃᑲᓛᓂᒃ ᑕᑕᒥᓐᓇᑐᑎᒍᑦ ᓯᕗᓂᕐᒥᓂ ᐃᓕᓴᕐᓂᒥᑎᒍᑦ ᐱᒐᓱᐊᖃᑦᑕᓚᖓᓕᕐᓂᖏᑦ ᐃᓱᒪᒋᑦᓱᒋᑦ.

ᓴᖅᓕᐊᕕᒃ ᐊᒻᒪᓗ ᓄᓇᓖᑦ

ᐃᓄᐃᑦ ᐃᓚᖏᑦ ᐸᐃᕆᑦᓯᕕᐅᑉ ᓄᐃᑕᐅᓂᖓᓄᑦ ᓄᓇᓕᒥᓂ ᐱᕙᓪᓕᖁᑎᐅᓂᐊᕐᓂᖓᓂᒃ ᖃᐅᔨᒪᒌᑦᓯᐊᑐᕕᓂᐅᒐᓗᐊᑦ, ᐊᓯᖏᑦ ᑕᑯᒋᐅᕐᑕᒥᓂᒃ ᓄᓇᓕᓐᓂ ᐱᒋᔭᐅᓯᒪᙱᑐᒥᒃ ᐊᓕᐊᙱᑑᔮᖃᑦᑕᓚᐅᕐᓯᒪᔪᑦ. ᓈᒻᒪᓴᙱᓂᖏᑦ ᓄᓇᓕᓐᓂ ᕿᑐᕐᖏᐅᓂᕐᒥᒃ ᐃᓱᒫᓗᓐᓇᑑᓂᕋᐃᖃᑦᑕᓚᐅᕐᓯᒪᔪᑦ ᐊᒻᒪᓗ ᓄᓇᓕᒥᐅᓂᒃ ᕿᑐᕐᖓᒥᓂᒃ ᓇᔪᕐᑎᖃᕆᐊᖃᕐᓂᕋᐃᑦᓱᑎᒃ. ᐸᐃᕆᑦᓯᕕᑦᑖᖁᔨᔪᓪᓗ, ᐃᑲᔪᕐᓯᔭᐅᓚᖓᓂᕋᐃᑦᓱᑎᒃ ᐊᓈᓇᒃᑯᖏᓐᓂᒃ ᐊᑖᑕᒃᑯᖏᓐᓂᒃ ᐊᒻᒪᓗ ᐊᓈᓇᑦᓯᐊᑯᖏᓐᓂᒃ ᐊᑖᑕᑦᓯᐊᑯᖏᓐᓂᓗ ᖃᓄᕐᑑᕈᑎᓕᓐᓂᒃ ᖃᓄᖅ ᕿᑐᕐᖓᖏᑦ ᐃᕐᖑᑕᖏᑦ ᑲᒪᒋᔭᐅᑦᓯᐊᓂᕐᓴᐅᒐᔭᕐᒪᖔᑕ ᐱᕈᕐᓴᑕᐅᑦᓯᐊᓗᑎᒃ. ᐊᒥᓱᑦ ᑲᒃᑲᓛᑦ ᐊᖓᔪᖅᑳᖏᑦ ᐅᖃᐅᓯᖃᕐᓯᒪᔪᑦ, ᓴᖅᓕᐊᕕᒃ ᐸᐃᕆᑦᓯᕕᒃ ᐅᒃᑯᐃᓚᐅᕐᑎᓇᒍ, ᐃᓱᒫᓘᑎᖃᖃᑦᑕᑐᕕᓂᐅᒋᐊᕐᒥᓂᒃ ᐱᑦᓯᐊᕈᓐᓇᑐᓂᒃ ᓇᔪᕐᓯᑎᑦᓴᓯᒐᓱᐊᕆᐊᖃᕆᐊᒥᒃ ᐊᒻᒪᓗ ᑮᓇᐅᔭᖃᕆᐊᖃᕐᓂᒥᓂᒃ ᕿᑐᕐᖓᒥᑕ ᐸᐃᕆᔭᐅᒍᑎᑦᓴᖏᓐᓂᒃ. ᐃᓚᖏᑦ ᐊᓐᓇᓯᐊᕐᑐᕕᓃᑦ ᐅᒃᑯᐃᑕᐅᑎᓪᓗᒍ ᐸᐃᕆᑦᓯᕕᒃ. ᐊᑭᖃᕐᑎᓗᒍ $ 7.00-ᓂᒃ ᐅᓪᓗᑕᒫᑦ, ᑲᒃᑲᓛᑦ ᐸᐃᕆᔭᐅᒍᓐᓇᓯᑦᓯᐊᑎᓪᓗᒋᑦ ᐊᑦᑕᓇᙱᑐᒥᒃ, ᓴᓗᒪᔪᒥᒃ, ᐃᓗᓯᕐᓱᓯᐊᕐᓇᑐᒥᒃ ᐊᖓᔪᖅᑳᖏᑦ ᐱᓇᓱᐊᕆᐊᓕᒥᓂᒃ ᐱᓇᓱᐊᕐᑎᓗᒋᑦ. ᓄᐃᑕᐅᒻᒪᑦ ᑖᓐᓇ ᑭᒡᒐᑐᕐᓂᖅ, ᐊᓈᓇᑦᓯᐊᑯᖏᑦ ᐊᑖᑕᑦᓯᐊᑯᖏᑦ ᐱᓇᓱᐊᕈᓐᓇᓯᓕᐅᒥᓐᓂᖁᑦ ᐱᐅᓯᑐᖃᕐᑎᒍᑦ ᓱᖃᑦᓯᒍᑎᑦᓴᔭᒥᓂᒃ ᐱᓇᓱᐊᕈᑎᑦᓴᔭᒥᓂᒃ ᐆᑦᑑᑎᒋᓗᒋᑦ ᒪᖃᐃᒍᓐᓇᓯᑦᓱᑎᒃ; ᑲᒃᑲᓛᓪᓗ ᐊᖓᔪᖅᑳᖏᑦ ᐱᓇᓱᒐᓕᓐᓄᑦ ᐃᓚᐅᒍᓐᓇᓯᑦᓱᑎᒃ ᐊᒻᒪᓗ ᑮᓇᐅᔭᑎᒍᑦ ᐃᓚᒥᓂᒃ ᐃᑲᔪᕐᓯᓯᐊᕈᓐᓇᓯᑦᓱᑎᒃ; ᐊᒻᒪᓗ 20 ᐊᑖᓂ ᐅᑭᐅᓖᑦ ᐅᕕᒃᑲᐃᑦ ᕿᑐᕐᖓᓖᑦ ᐃᓕᓴᕐᑕᒥᓂᒃ ᐱᔭᕇᒋᐊᕈᓐᓇᓯᑎᑕᐅᑦᓱᑎᒃ.

ᓴᖅᓕᐊᕕᒃ ᐸᐃᕆᑦᓯᕕᐅᑉ ᖃᓄᐃᓕᖖᒐᐃᓯᐊᕐᓯᒪᐅᑎᖏᑦᑕ ᐃᓚᒋᕙᐅᒃ ᓂᕿᑦᓯᐊᑑᒪᑎᑦᓯᓂᕐᒨᓕᖓᔪᖅ. ᐊᐅᕐᓗᓂᖅ ᐃᓱᒫᓘᑎᓪᓚᕆᐅᓯᒪᒻᒪᑦ ᓄᓇᓕᓐᓂ ᐊᒻᒪᓗ ᓄᓇᓕᒥᐅᑦ ᐃᓚᖏᑦ ᐃᓕᓐᓂᐊᑎᑕᐅᓯᒪᑦᓱᑎᒃ ᖃᓄᖅ ᐊᐅᕐᓗᔨᐊᖏᑦ ᐋᖅᑭᒍᓐᓇᒪᖔᑕ. ᓇᓪᓕᑐᐃᓐᓇᖓ ᐸᑦᓯᑎᐅᒐᓗᐊᕐᐸᑦ ᓂᕿᑦᓯᐊᑑᒪᙱᓂᖅ ᐅᕝᕙᓘᓐᓃᑦ ᓂᕿᑦᓯᐊᑦ ᐊᑐᐃᓐᓇᐅᖏᓐᓂᖏᑦ, ᑲᒃᑲᓛᑦ ᓴᖅᓕᐊᕕᒃ ᐸᐃᕆᑦᓯᕕᓕᐊᕐᑕᑐᑦ ᑕᒪᒃᑯᓂᖓ ᐱᓇᐃᓗᑕᖃᕈᓐᓇᐃᓂᕐᒪᑕ. ᑲᒃᑲᓛᑦ ᓂᕆᒃᑳᒍᖃᑦᑕᓱᑎᒃ ᐱᖓᓱᕕᑦᓱᑎᒃ ᐅᓪᓗᑕᒫᑦ ᓂᕆᔭᓕᒫᖏᓪᓗ ᐊᑦᔨᒌᙱᑐᔭᐅᖃᑦᑕᓱᑎᒃ ᑎᒥᐅᑉ ᑭᙴᒪᔭᓕᒫᖏᓐᓂᒃ ᐱᑕᖃᕐᓱᑎᒃ. ᐊᒥᓱᑦ ᓄᓇᓕᓐᓄᑦ ᐃᓚᐅᔪᑦ ᐊᒻᒪᓗ ᐋᓐᓂᐊᓯᐅᑏᑦ ᖃᐅᔨᒪᑦᓯᐊᑐᐃᓐᓇᑑᒐᓗᐊᑦ ᓂᕿᑦᓯᐊᑑᒪᑎᑦᓯᓂᕐᒥᒃ ᐊᔪᐃᓐᓇᕈᑎᖃᕐᓂᖅ ᐱᕙᓪᓖᓯᒪᒋᐊᖓᓂᒃ, ᖃᐅᔨᓴᕐᓂᖃᓕᕐᑐᖅ ᑕᒐᑕᒐ ᐊᓱᐃᓛᒍᒻᒪᖔᑦ.

ᑐᖓᓕᐊᓕ ᐊᓕᐊᓇᕐᑐᑕᖃᕐᒥᔪᖅ ᐱᕙᓪᓕᖁᑕᐅᓯᒪᐅᑕᐅᓂᕋᕐᑕᖅ ᓄᐃᑕᐅᔪᕕᓂᐅᓂᖓᓄᑦ ᓴᖅᓕᐊᕕᒃ ᐸᐃᕆᑦᓯᕕᐅᑉ ᐃᓚᖓᓐᓂ ᐅᖃᐅᓯᕆᔭᐅᕙᒻᒥᔪᖅ. ᐱᓗᐊᕐᑐᒥᒃ, ᑲᒃᑲᓛᑦ ᐊᖓᔪᖅᑳᖏᑦᑕ ᐃᓚᖏᑦ ᕿᑐᕐᖓᒥᓂᒃ ᓇᔪᕐᑎᖃᕈᓐᓇᓯᑎᑕᐅᓯᒪᒻᒪᑕ. ᐸᐃᕆᑦᓯᕕᖃᓚᐅᕐᑎᓇᒍ, ᑲᒃᑲᓛᑦ ᐊᖓᔪᖅᑳᖏᑦᑕ ᐃᓚᖏᑦ ᕿᑐᕐᖓᒥᓂᒃ ᐃᓚᒥᓄᑦ ᑐᔫᑎᖃᕆᐊᖃᕐᓯᒪᒻᒪᑕ ᓄᓇᓕᓐᓄᑦ ᐊᓯᐊᓄᑦ ᓂᕆᒃᑲᐃᖃᔭᙱᓇᒥᒃ. ᑭᓯᐊᓂ, ᐸᐃᕆᑦᓯᕕᒃ ᑮᓇᐅᔭᕐᑐᕕᐅᓪᓗᐊᖏᑦᑐᖅ ᓄᓇᓕᓐᓂ ᐊᑐᐃᓐᓇᐅᓕᕐᒪᑦ, ᐃᓚᒌᑦ ᑲᑎᒪᑐᐃᓐᓇᕈᓐᓇᓂᕐᓴᐅᕙᓕᕐᑐᑦ.

ᓴᖅᓕᐊᕕᒃ ᐸᐃᕆᑦᓯᕕᒃ ᐃᑲᔪᕐᓯᕕᐅᒍᓐᓇᐸᒻᒥᔪᖅ ᑲᒃᑲᓛᕌᐱᓐᓂᒃ ᐊᑐᐃᓐᓇᖑᕐᑎᓯᕕᐅᑦᓱᓂ ᐃᓕᓴᕐᕕᒧᑦ ᐃᑎᙱᓂᖏᓐᓂ. ᐸᐃᕆᑦᓯᕕᒻᒥ ᓱᖏᐅᑎᓲᑦ ᐅᓪᓗᑕᒫᕐᓯᐅᑎᓂᒃ ᓈᒻᒪᓯᑦᑕᕕᐅᒍᑎᓂᓪᓗ, ᐊᑐᐃᓐᓇᕈᓚᕿᑎᓪᓗᒋᑦ ᐃᓕᓴᕐᕕᒦᒍᓐᓇᓯᑦᓯᐊᓱᑎᒃ ᓇᓗᙱᓂᕐᓴᐅᓕᕐᓱᑎᒃ ᓱᒋᐊᖃᓕᕐᒪᖔᒻᒥᒃ, ᐊᒻᒪᓗ ᐃᓅᖃᑎᖃᑦᓯᐊᕆᐅᕐᓴᓂᕐᒥᒃ ᑐᑭᓯᒪᓂᕐᓴᐅᓕᕐᓱᑎᒃ ᖃᐅᔨᒻᒪᓂᐅᓂᕐᓴᐅᓱᑎᒃ ᑲᒃᑲᓛᓂᑦ ᐊᓇᕐᕋᒥᓂᓪᓗ ᐊᓂᒋᐅᕐᓱᑎᒃ ᐃᓕᓴᕆᐊᓕᕐᓵᕕᒻᒧᑦ ᑲᔪᓯᔪᓂᑦ.

ᓴᖅᓕᐊᕕᒃ ᐊᒻᒪᓗ ᐃᓄᐃᑦ ᐃᓗᒡᒍᓯᖓ

ᖃᐅᔨᒪᔭᐅᒋᐊᖃᕐᐳᖅ ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑲᔪᓯᓪᓚᕆᑦᑎᓯᓯᒪᒻᒪᑦ ᓄᐃᑕᐅᒐᓱᐊᕐᓂᖓᓂᒃ ᓴᖅᓕᐊᕕᒃ ᐸᐃᕆᑦᓯᕕᐅᑉ. ᐸᐃᕆᑦᓯᕖᑦ ᐱᖁᔭᖏᑦ ᐊᒻᒪᓗ ᒪᓕᒐᖏᑦ ᓄᓇᓕᒥᐅᓄᑦ ᑐᑭᓯᒪᔭᐅᑦᓯᐊᓯᒪᙱᒪᑕ. ᑕᐃᒪᐃᒐᓗᐊᕐᑎᓗᒋᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑕᐃᒪᙵᓂᑦ ᑲᔪᖏᕐᑐᐃᓯᒪᔪᖅ ᐃᓘᓐᓇᐃᓂᒃ ᐸᐃᕆᑦᓯᕕᓐᓂᒃ ᓄᓇᓕᓕᒫᓂ ᐱᕙᓪᓕᐊᖁᔨᑦᓱᓂ ᐊᒻᒪᓗ ᐃᖏᕐᕋᖁᔨᑦᓱᓂ ᒪᓕᓪᓗᒋᑦ ᓄᓇᓖᑦ ᑐᕌᒐᖏᑦ ᐊᒻᒪᓗ, ᑕᐃᒪᐃᒋᐊᖃᕐᓂᖏᓐᓄᑦ, ᑲᑎᕕᒃ ᓄᓇᓕᓕᒫᑦ ᑲᕙᒪᖓ ᑲᔪᖏᕐᑐᐃᓚᕆᑦᓯᒪᔪᖅ ᐸᐃᕆᑦᓯᕕᓐᓂᒃ ᐃᓕᐅᖅᑲᐃᕕᐅᖁᔨᑦᓱᑎᒃ ᐃᓄᐃᑦ ᐱᐅᓯᑐᖃᖏᑦ ᒪᓕᓪᓗᒋᑦ ᐊᒻᒪᓗ ᐃᓗᒡᒍᓯᖅ ᐃᓚᐅᑎᑦᓯᐊᓗᒋᑦ ᑭᒡᒐᑐᕈᑎᖏᓐᓄᑦ ᐸᐃᕆᑦᓯᕖᑦ. ᓴᖅᓕᐊᕕᒃ ᐸᐃᕆᑦᓯᕕᒻᒥ ᑕᐃᒪᐃᒃᑲᐃᓯᐊᕈᓐᓇᓯᓯᒪᔪᑦ ᓂᕿᑐᐃᓐᓇᑑᒪᑎᑦᓯᓂᕐᒥᒍᑦ, ᐃᓄᐃᓪᓗ ᐊᓐᓄᕌᑦᓴᔭᖏᓐᓂᒃ ᐱᑕᖃᕐᑎᓯᑦᓯᐊᓂᕐᒥᑎᒍᑦ ᑲᒃᑲᓛᑦ ᐱᙳᐊᖏᓐᓂᒃ, ᐊᒻᒪᓗ ᐃᓄᑦᑎᑐᑦ ᑖᓂᓯᕆᐅᕐᓴᑎᑕᐅᓂᖏᑎᒍᑦ ᐊᒻᒪᓗ ᑲᑕᑦᔭᕆᐅᕐᓴᑎᑕᐅᓂᖏᑎᒍᑦ.

ᑰᑦᔪᐊᕌᐱᒃ ᐱᓪᓚᕆᑦᑕᐅᓯᒪᔪᖅ ᓗᐃᓴ ᕙᓚᒥᒧᑦ, ᐊᒻᒪᓗ ᓗᐃᓴ ᑯᑭ-ᐳᔭᐅᓐᒧᑦ ᓴᖅᓕᐊᕕᒻᒧᑦ ᐳᓛᕆᐊᖃᑦᑕᓯᒪᒻᒪᓃᒃ ᑲᒃᑲᓛᓂᒃ ᐊᒻᒪᓗ ᐱᒋᐅᕐᓴᑎᑦᓯᔨᓂᒃ ᐅᓂᒃᑳᖑᐊᕐᕕᖃᕆᐊᕐᑐᓱᑎᒃ. ᐃᓘᓐᓇᑎᒃ ᐃᓄᑐᖃᐃᑦ ᐊᒻᒪᓗ ᑲᒃᑲᓛᑦ ᐊᖓᔪᖅᑳᖏᑦ ᑲᔪᖏᕐᑐᑕᐅᖃᑦᑕᓯᒪᒻᒪᑕ ᓗᐃᓴ ᕕᓚᒥᒧᑦ ᐸᐃᕆᑦᓯᕕᖁᑎᒥᓂᒃ ᑲᒪᖃᑕᐅᑦᓯᐊᖁᑦᓱᒋᑦ.

ᓴᖅᓕᐊᕕᒃ ᐊᒻᒪᓗ ᓯᕗᓂᑦᓴᖓ

2011 ᐅᑭᐅᖓᓂ, ᓴᖅᓕᐊᕕᒃ ᐸᐃᕆᑦᓯᕕᐅᑉ ᐱᓇᓱᑦᑎᖏᑦ ᑲᒃᑲᓛᕌᐱᓐᓂᒃ ᐱᒋᐅᕐᓴᑎᑦᓯᔨᐅᓂᕐᒧᑦ ᐃᓕᓐᓂᐊᓂᖃᓚᐅᕐᓯᒪᔪᑦ, ᑕᐃᒫᑦᓴᐃᓇᖅ ᐃᖏᕐᕋᑎᑕᐅᔪᒧᑦ ᓯᔨᐊᑉ ᓴᐃᓐᑦ-ᕕᓕᓯᐊᒧᑦ. ᑖᓐᓇᓗ ᐃᓕᓴᕐᓂᖅ ᓄᐃᓚᖀᑎᑦᓯᓛᕐᓱᓂ ᓄᑖᓂᒃ ᐱᒋᐅᕐᓴᑎᑦᓯᔨᓂᒃ ᑲᔪᓯᓚᕿᑎᑦᓯᒍᓐᓇᓯᖃᑕᐅᓛᕐᑐᓂᒃ ᐊᓕᐊᓇᕐᑐᓂᒃ ᐱᕙᓪᓖᓯᐊᕈᓐᓇᑐᓂᒃ ᓱᖃᑦᓯᑎᑦᓯᒍᑎᓂᒃ ᐱᓇᓱᐊᕐᑎᓯᒍᑎᓂᒃ ᐃᑲᔪᕐᓯᒍᑎᒋᓗᒋᑦ ᑲᒃᑲᓛᕌᐱᓐᓂᒃ ᒥᑭᔫᓂᕐᒥᓂ ᐊᒻᒪᓗ ᐱᒻᒪᕆᑎᒍᑦ ᐱᕙᓪᓕᒋᐊᑦᓯᐊᕕᒻᒥᓃᓐᓂᖏᓐᓂ ᐃᓱᒪᒥᑎᒍᑦ ᐱᕈᕐᐸᓕᐊᑦᓯᐊᒍᓐᓇᓯᑎᓗᒋᑦ.

TO CONTENT HOME