ᓂᕿᑦᓯᐊᓕᕆᓂᐅᑉ ᒪᓕᒐᖓ

ᓂᕆᑦᓯᐊᓂᖅ

1. ᑲᒃᑲᓛᑦ ᓂᕆᒃᑲᑕᐅᕙᑦᑐᑦ ᐅᓪᓛᕈᒥᑕᕐᓱᑎᒃ, ᐅᓪᓗᒍᒥᑕᕐᓱᑎᒃ ᐊᒻᒪᓗ ᕿᑎᕋᓕᕇᒥ ᐅᖁᒻᒥᓗᑦᓱᑎᒃ ᑎᒥᒧᑦ ᐃᑲᔪᕐᓯᓯᒪᑦᓯᐊᑐᓂᒃ.
2. ᓂᕿᑐᐃᓐᓇᑐᕐᑎᑕᐅᖃᑦᑕᕆᐊᓖᑦ ᐱᕕᓕᒫᖏᓐᓄᑦ, ᒪᕐᕈᕕᓪᓗᑎᓘᓐᓃᑦ ᐱᓇᓱᐊᕈᓯᑕᒫᑦ ᐱᕕᖃᕐᐸᑦ.
3. ᒪᒪᕐᓴᐅᓯᖃᓗᐊᕐᑐᑦ, ᐅᕐᓱᖃᓗᐊᕐᑐᑦ ᐅᕝᕙᓘᓐᓃᑦ ᑕᕆᐅᖃᓗᐊᕐᑐᑦ ᓂᕆᔭᑦᓴᐅᑎᑕᐅᕙᖕᖏᑐᑦ ᐯᕆᑦᓯᕕᓐᓂ ᓇᓪᓕᐅᓂᕐᓯᐅᓂᕐᒥ ᒍᓐᓇᑑᒐᓗᐊᑦ.
4. ᓂᕆᑎᑦᓯᐅᑎᑦᓭᑦ ᐊᑦᔨᒌᒋᐊᓖᑦ ᐃᓘᓐᓀᓄᑦ ᐱᔭᐅᓚᖓᓗᑎᒃ ᑲᒃᑲᓛᓄᑦ ᐊᒻᒪᓗ ᐋᕐᕿᒋᐊᕐᓯᒪᓗᑎᒃ ᓱᓇᐅᓂᖏᑦ ᖃᓄᐃᓪᓗᐊᓂᖏᑦ ᑲᒃᑲᓛᑦ ᐅᑭᐅᖏᑦ ᐃᑉᐱᒋᓗᒋᑦ.
5. ᑲᒃᑲᓛᑦ ᐊᐅᒡᒉᓯᒪᒍᓐᓇᓲᑦ ᓂᕆᔭᒥᑕ ᐅᓄᕐᓂᖏᓐᓂᒃ ᐊᒻᒪᓗ ᐃᒻᒥᓂᒃ ᓂᕆᑎᑕᐅᒐᓱᐊᕐᐸᓗᑎᒃ.
6. ᑲᒃᑲᓛᑦ ᐊᑦᔭᓯᕙᒋᐊᖃᖕᖏᑐᑦ ᐃᒥᕋᑦᓴᒥᓂᒃ ᐅᕝᕙᓘᓐᓃᑦ ᓂᕿᓂᒃ ᐊᓇᕐᕋᒥᓂᑕᕐᓂᒃ ᐯᕆᑦᓯᕕᒻᒧᑦ ᑌᒣᑎᑕᐅᒍᓐᓇᕈᑎᒃ ᒍᓐᓇᑑᒐᓗᐊᑦ.

ᐃᒪᖅ

7. ᐃᒪᑐᐃᓐᓇᒥᒃ ᐃᒥᓗᑭᓐᓂᓴᐅᕙᒋᐊᓖᑦ ᐊᒻᒪᓗ ᐊᑐᐃᓐᓇᖃᕐᑎᑕᐅᕙᒋᐊᖃᕐᓱᑎᒃ ᐃᒪᕐᒥᒃ ᐃᓘᓐᓇᑎᒃ ᑲᒃᑲᓛᑦ ᐃᓪᓗᐊᕈᓯᖏᑦ ᐯᕆᑦᓯᕕᒻᒥ.

ᐃᒻᒧᖅ

8. ᐊᓈᓇᖏᑦ ᑐᖕᖓᓱᑦᑎᑕᐅᕙᒋᐊᓖᑦ ᕿᑐᕐᖓᒥᓂᒃ ᐊᒫᒪᑦᑎᓯᒋᐊᕐᑐᕈᓐᓇᓗᑎᒃ ᐯᕆᑦᓯᕕᒻᒥ.
9. 1 ᐊᑖᓃᑦᑐᓂᒃ ᐅᑭᐅᓖᑦ, ᓄᑕᕃᑦ ᐊᒫᒪᑦᑎᑕᐅᕙᒋᐊᓖᑦ ᐊᒻᒪᓗ ᐅᕝᕙᓘᓐᓃᑦ ᐊᒫᒪᒐᑦᓴᖏᓐᓂᒃ ᐊᖓᔪᕐᖄᒥᓄᑦ ᐊᑦᔭᓯᑎᑕᐅᕙᒋᐊᖃᕐᓱᑎᒃ.
10. 1 ᐅᖓᑖᓄᑦ ᐅᑭᐅᓖᑦ 3.25% ᐃᒻᒧᑐᕐᐸᒋᐊᓖᑦ ᑲᒃᑲᓛᑦ ᐯᕆᑦᓯᕕᒻᒥ.
11. 1 ᐅᖓᑖᓄᑦ ᐅᑭᐅᖃᓕᕈᑎᒃ, ᐊᖏᓂᕐᐸᐅᓗᓂ ᐃᒻᒧᑐᕐᑕᖏᑦ ᐃᒣᓪᓗᐊᕆᐊᓖᑦ 1 ¼ (10 ounces) ᐊᑐᓂᑦ ᑲᒃᑲᓛᑦ ᐅᓪᓗᑕᒫᑦ ᑌᒣᓪᓗᐊᑐᓂᒃ ᐱᑎᑕᐅᕙᓪᓗᑎᒃ.

ᐃᒥᕋᖅ

12. 100% ᐱᕈᕐᑐᕕᓂᐅᑉ ᐃᑦᑎᖓ ᑕᕐᕿᑕᒫᑦ ᐱᔭᐅᑎᑕᐅᕙᒋᐊᓕᒃ ᓂᕆᓚᖓᔭᖏᓐᓄᑦ ᐃᓚᐅᑎᑕᐅᓗᓂ ᑲᒃᑲᓛᖅ ᐊᑐᓂᑦ ᖃᓪᓗᑎᐅᑉ ᖁᑉᐹᓂᒃ ᐱᑎᓪᓗᒍ. ᐊᓯᖏᑦ ᒪᒪᕐᓴᐅᑎᑕᓖᑦ ᐱᔭᐅᑎᑕᐅᕙᒋᐊᖃᖕᖏᑐᑦ.

ᐊᒫᒪᐅᑏᑦ ᐊᒻᒪᓗ ᓂᕆᔭᖏᑦ ᐃᑉᐱᒋᔭᐅᒋᐊᓖᑦ

13. 18 ᑕᕿᑦ ᑭᓯᐊᓂ ᐊᑖᓃᑦᑐᓂᒃ ᓄᑕᕃᑦ ᐊᒫᒪᐅᑎᑐᕆᐊᓖᑦ.
14. ᓯᓂᒐᓱᐊᕐᓗᑎᒃ ᐊᒫᒪᑉᐸᒋᐊᖃᖕᖏᑐᑦ ᐅᕝᕙᓘᓐᓃᑦ ᑲᒃᑲᓛᑦ ᖃᓪᓗᑎᖏᓐᓂᒃ ᒪᑐᓕᓐᓂᒃ ᑎᒍᒥᐊᕈᓐᓀᓗᑎᒃ.

ᖁᓄᓪᓕᑕᕈᑎᓖᑦ ᐊᒻᒪᓗ ᓂᕆᔭᖏᑦ ᐃᑉᐱᒋᔭᐅᒋᐊᓖᑦ

15. ᓄᑕᕃᑦ ᓂᕆᒋᐊᖃᓲᑦ ᓱᓇᑐᐃᓐᓇᐅᖏᑦᑐᓂᒃ ᐃᑉᐱᒋᔭᐅᓂᖃᕐᓱᑎᒃ ᐃᓕᒃᑯᑦ ᑲᒪᒋᔭᐅᕙᒋᐊᓖᑦ. ᓱᓇᑐᕆᐊᖃᖕᖏᓂᖏᑦ ᓱᓇᑐᕆᐊᖃᕐᓂᖏᑦ ᐃᑉᐱᒋᓗᒋᑦ.
16. ᑲᒃᑲᓛᖅ ᐋᓐᓂᐊᓯᐅᑎᓄᑦ ᓂᕿᓄᑦ ᖁᓄᓪᓕᑕᕐᓂᖏᑦ ᓇᓗᓀᕐᑕᐅᓯᒪᑉᐸᑦ, ᑐᓴᐅᒪᑎᑕᐅᒋᐊᓖᑦ ᐱᓇᓱᑦᑎᓕᒫᑦ ᑲᒃᑲᓛᖅ ᖁᓄᓪᓕᑕᕈᑎᓕᒃ ᐯᕆᑦᓯᕕᓕᐊᕐᑕᓯᓚᐅᕐᑎᓇᒍ.
17. ᑲᒃᑲᓛᖅ ᖁᓄᓪᓕᑕᕈᑎᓕᒃ ᐯᕆᑦᓯᕕᓕᐊᕐᑕᓯᑉᐸᑦ, ᐊᖓᔪᕐᖄᖏᑦ ᑐᓴᕐᑎᓯᕐᖄᐸᒋᐊᓖᑦ ᐱᓇᓱᑦᑎᓂᒃ, ᑲᒃᑲᓛᒍᖃᑎᖏᓐᓂᒃ ᐊᒻᒪᓗ ᐃᓚᖏᓐᓂᒃ ᐃᑉᐱᒋᔭᐅᑦᓯᐊᕆᐊᖃᕐᒪᑦ ᖃᐅᔨᒪᔭᐅᑦᓯᐊᓗᓂ ᕿᑐᕐᖓᖓᑕ ᖁᓄᓪᓕᑕᕈᑎᖃᕐᓂᖓ.