ᓄᓇᖃᕐᖄᑐᕕᓂᕐᓂᒃ ᐊᖑᒻᒪᑎᑎᑦᓯᒋᐊᕐᕕᒃ (AHSUNC)
ᓄᓇᖃᕐᖄᑐᕕᓂᕐᓂᒃ ᐊᖑᒻᒪᑎᑎᑦᓯᒋᐊᕐᕕᒃ ᑕᕐᕋᒥ ᓄᓇᓕᓐᓂ ᓄᓇᕐᓚᒥᐅᓂᓗ ᓱᓇᐅᒻᒪᖔᑦ
ᓄᓇᖃᕐᖄᑐᕕᓂᕐᓂᒃ ᐊᖑᒻᒪᑎᑎᑦᓯᒋᐊᕐᕕᒃ ᑕᕐᕋᒥ ᓄᓇᓕᓐᓂ ᓄᓇᕐᓚᒥᐅᓂᓗ ᑭᒡᒐᑐᕈᑎᒃ ᓄᓇᓕᓐᓂᒃ ᑐᖕᖓᕕᖃᕐᓱᓂ ᑲᒃᑲᓛᓄᐊᖓᔪᖅ ᑭᒡᒐᑐᕈᑎᒃ ᑲᔪᓯᑎᑕᐅᔪᖅ ᐃᓄᐃᑦ ᑭᓇᑐᐃᓐᓇᑯᑦ ᐃᓗᓯᓕᕆᔭᐅᕕᖓᓄᑦ ᑳᓇᑕᐅᑉ. ᐊᖑᒻᒪᑎᑎᑦᓯᒋᐊᕐᕕᒃ ᑐᕌᖓᑎᑕᐅᓪᓚᕆᑦᑐᖅ ᑲᒃᑲᓛᕌᐱᓐᓄᑦ ᒥᑭᔪᕐᓚᓄᑦ ᐱᕈᕐᐸᓕᐊᑦᓯᐊᕆᐊᖃᕐᓂᖏᓐᓄᑦ ᓄᓇᓕᑐᖃᑦᓴᔦᑦ, ᐃᓄᐃᑦ ᐊᒻᒪᓗ ᒣᑏᑦ ᑲᒃᑲᓛᑦ ᐃᓚᖏᓪᓗ ᐊᓪᓓᑦ ᓄᓇᖁᑎᖏᑦᑕ ᓯᓚᑖᓂᒥᐅᓄᑦ.
ᑭᒡᒐᑐᕈᑎᒃ ᐱᒋᐊᕐᑐᕕᓂᖅ 1995-ᒥ ᐊᒻᒪᓗ ᐱᕙᓪᓖᓚᕆᑦᓯᒪᓕᕐᓱᓂ ᑲᒃᑲᓛᓂᒃ, ᐃᓚᒌᓂᒃ ᐊᒻᒪᓗ ᓄᓇᓕᓐᓂᒃ ᑖᑦᓱᒧᖓ ᐃᓚᐅᕙᑦᑐᓂᒃ. ᓄᐃᑕᐅᓯᒪᒍᑎᓕᒃ ᓴᐳᑦᔭᐅᖁᓪᓗᒋᑦ ᓄᓇᖃᕐᖄᑐᕕᓃᑦ ᑲᒃᑲᓛᑦ ᐱᕈᕐᐸᓕᐊᓂᖏᑎᒍᑦ ᑕᕐᓂᑯᑦ, ᐃᑉᐱᒋᔭᒃᑯᑦ, ᐃᓱᒪᒋᐅᕐᓴᓂᒃᑯᑦ ᐊᒻᒪᓗ ᑎᒥᑎᒍᑦ, ᓴᐳᑦᔭᐅᓂᖃᕐᒥᑎᓪᓗᒋᑦ ᐊᖓᔪᕐᖄᖏᑦ ᐊᒻᒪᓗ ᑲᒪᔨᖏᑦ ᓯᕗᓪᓕᐸᐅᑦᓱᑎᒃ ᐃᓕᓐᓂᐊᑎᑦᓯᔨᐅᓂᕐᒥᓄᑦ. ᑲᒪᒋᔭᐅᑎᑦᓯᐅᑕᐅᓪᓚᕆᑦᑐᖅ ᐃᓘᓐᓈᒍᑦ ᐃᓗᓯᕐᓱᓯᐊᕆᐊᖃᕐᓂᖏᓐᓄᑦ ᐃᓱᒫᓘᑕᐅᕙᑦᑐᓂᒃ ᐃᓅᖃᑎᒌᓂ ᖃᓄᐃᓕᖕᖓᑕᐅᒍᐊᕐᑐᓂ ᐊᒻᒪᓗ ᐱᕙᓪᓖᓚᕿᐅᑕᐅᕙᓪᓕᐊᓂᖃᕐᓱᓂ ᐃᓗᓯᕐᓱᓯᐊᕐᓂᖏᓐᓂᒃ, ᖃᓄᐃᖕᖏᓯᐊᕐᓂᖏᓐᓂᒃ ᐊᒻᒪᓗ ᐃᓅᖃᑎᒌᑦᓯᐊᕈᓐᓇᓂᖏᑦᑕ ᐱᕙᓪᓕᐊᓂᖏᓐᓂᒃ ᓄᓇᖃᕐᖄᑐᕕᓃᑦ ᑲᒃᑲᓛᑦ.
ᐊᖑᒻᒪᑎᑎᑦᓯᒋᐊᕐᓂᒥᒃ ᐱᓇᓱᐊᕈᑎᓖᑦ ᐊᑑᑎᓂᖃᕐᑎᑕᐅᕙᑦᑐᑦ ᒪᓂᒪᑎᑦᓯᕕᐅᑦᓱᑎᒃ ᐋᕐᕿᓱᕐᓯᒪᑦᓯᐊᑐᓂᒃ ᐅᓪᓘᑉ ᖁᑉᐹᓂ ᐃᓕᓐᓂᐊᑎᑕᐅᓂᑎᒍᑦ ᓱᖃᑦᓯᑎᑦᓯᓯᐊᕈᓯᓂᒃ ᓄᓇᖃᕐᖄᑐᕕᓂᕐᓂᒃ ᑲᒃᑲᓛᓂᒃ ᐃᑉᐱᒋᔭᐅᓂᖃᕐᑎᓗᒋᑦ ᐱᖓᓲᔪᕐᑐᑦ ᑭᒡᒐᑐᕈᑎᐅᑉ ᐃᓗᓕᕆᔭᖏᑦ.
- ᓄᓇᖃᕐᖄᑐᕕᓃᑦ ᐃᓗᒡᒍᓯᖓ ᐊᒻᒪᓗ ᐅᖃᐅᓯᖓ,
- ᐃᓕᓐᓂᐊᓂᕐᒧᑦ ᐊᒻᒪᓗ ᐃᓕᓴᕆᐅᕐᓴᓂᕐᒧᑦ ᐊᑐᐃᓐᓇᕈᕐᑎᓯᓂᖅ,
- ᐃᓗᓯᕐᓱᓯᐊᕈᑎᑦᓴᓂᒃ ᐱᕙᓪᓖᓯᒪᓂᖅ,
- ᓂᕿᑦᓯᐊᑑᒪᓂᖅ,
- ᐃᓅᖃᑎᖃᑦᓯᐊᕆᐅᕐᓴᓂᑎᒍᑦ ᓴᐳᑦᔨᓯᒪᓂᖅ, ᐊᒻᒪᓗ
- ᑲᒃᑲᓛᑦ ᐊᖓᔪᕐᖄᖏᓐᓂᒃ ᐃᓚᐅᑎᑦᓯᓂᖅ.
